Innlent

Ræsa álver í Helguvík 2015

Ragnar Guðmundsson, Forstjóri Norðuráls Helguvík Álver
Ragnar Guðmundsson, Forstjóri Norðuráls Helguvík Álver
Michael Bless, forstjóri Century Aluminium, móðurfélags Norðuráls, segir að samningar um orku fyrir álver í Helguvík séu á lokametrunum. Takist það þá sé ekkert til fyrirstöðu að hefja framkvæmdir í vor.

„Ég er mjög bjartsýnn á að samningar náist á næstu einum, tveimur, þremur mánuðum. Það er orðtak úr bandaríska fótboltanum sem segir að erfitt sé að komast að tveggja jarda línunni, en það hafist. Síðustu tveir jardarnir séu erfiðastir. Við erum á síðustu tveimur jördunum með að vinna úr smáatriðum, en höfum náð saman um aðalatriðin.“

Bless segir að fjármögnun verkefnisins hafi lokið 2010. Leggja hafi þurft þær áætlanir á hilluna þegar verkefnið dróst og snurfusa þurfi þær að nýju áður en farið verður eftir þeim. Það muni þó ekki tefja neitt fyrir framkvæmdunum. Fjármögnun sé því tryggð.

„Ef við náum samningum á næstu mánuðum hefst undirbúningur fyrir verkefnið strax, en framkvæmdir ekki fyrr en vorið 2013 með hækkandi sól. Framleiðslan gæti þá hafist vorið 2015.“

Bless segir að ákveðið hafi verið að setja tvær milljónir dollara í að klæða byggingarnar í Helguvík fyrir veturinn. „Við ákváðum það í vor þegar við sáum hvað samningar við orkufyrirtækin gengu vel. Þetta er til marks um að við sjáum fyrir endann á undirbúningstímanum. Þangað til við göngum endanlega frá samningum við orkufyrirtækin munum við hins vegar halda kostnaði í lágmarki.“

Álverð hefur verið lágt að undanförnu en Bless segir að engu að síður sé reksturinn á Norðuráli mjög góður. Fyrirtækið sé skuldlaust, með góða eiginfjárstöðu, og í mjög góðri stöðu til að takast verkefnið á hendur.

Ragnar Guðmundsson, forstjóri Norðuráls, segir að tryggja verði orku fyrir verkefnið. „Það þarf að tryggja endanlegan frágang orkusamninga og flutning á orkunni til okkar. Við sjáum að Landsnet er vonandi að ljúka ákveðnum þáttum sín megin svo það sér vonandi fyrir endann á þessu.“

- kóp


Tengdar fréttir

50% ánægð með aðildina

Réttur helmingur aðspurðra íbúa í ESB segir aðild lands síns vera af hinu góða, að því er kemur fram í könnun Eurobarometer sem var gerð í júní. Hins vegar segjast aðeins 40 prósent líta ESB í jákvæðu ljósi, sem er þó aukning frá í nóvember þegar 31 prósent aðspurðra voru á þeirri skoðun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.