Aldrei lognmolla í Twilight-heimi

Nú hefur öllu starfsfólki fjórðu Twilight-myndarinnar, Breaking Dawn, verið bannað að tjá sig svo mikið sem með einu orði um framhjáhald Kristen Stewart. Bannið var sett á í kjölfar afar saklausra ummæla leikkonunnar Christian Serratos þar sem hún sagðist í viðtali ekki hafa áhyggjur af því að framhjáhaldið myndi hafa áhrif á miðasölu myndarinnar, sem kemur út í nóvember. Christian þessi leikur vinkonu Bellu, Angelu Weber, í myndunum.

Kristen er afar illa liðin meðal aðdáenda Twilight og Robert Pattinson um þessar mundir en frami hennar virðist þó ekki ætla að taka mikinn skell í kjölfar framhjáhaldsins. Samkvæmt tímaritinu Vulture landaði hún nýlega aðalhlutverkinu í kvikmynd eftir sögu William Styron frá 1951, Lie Down in Darkness. Þar á hún að hafa haft betur en Hunger Games-stjarnan Jennifer Lawrence í baráttunni um hlutverk Payton Loftis, ungrar konu sem þráir ekkert heitar en að flýja erfitt líf sitt og fjölskyldu.

Framhaldsmynd um ævintýri Mjallhvítar er þó í lausu lofti eftir að eiginkona Rupert Sanders, leikstjóra myndarinnar og viðhalds Kstew gaf honum skýr fyrirmæli um að vilji hann bjarga hjónabandinu megi hann aldrei aftur vinna með leikkonunni.

Á meðan á öllu þessu gengur hefur Pattinson hægt um sig á sveitasetri vinkonu sinnar úr myndinni Water for Elephants, Reese Witherspoon, í Kaliforníu. Hvort mótleikkona hans úr myndinni Remember Me, Emilie de Ravin, hafi heimsótt hann er óvitað, en stjórnlaus afbrýðisemi Kristen út í vinskap þeirra er sögð hafa verið kveikjan að framhjáhaldi hennar.- trs