Campbell í sjónvarpið

Fyrirsæturnar Karolina Kurkova og Coco Rocha hafa gengið til liðs við Naomi Campbell og verða þátttakendur í nýjum sjónvarpsþætti þeirrar síðastnefndu. Ljósmyndarinn Nigel Barker, sem þekktur er úr America?s Next Top Model, verður þáttastjórnandinn.

Sjónvarpsþættirnir nefnast The Face og svipar til The X Factor-þáttanna. Fyrirsæturnar þrjár munu þjálfa hóp stúlkna og kenna þeim tökin á tískubransanum. Ein stúlka stendur að lokum uppi sem sigurvegari og fær að launum samning við alþjóðlegt tískumerki.