Erfiðleikar í sambandi

Justin Bieber og Selena Gomez eru að ganga í gegnum sambandsörðugleika ef marka má frétt Gossipcop.com. Parið hefur verið saman í á annað ár.

Ungstirnin eiga að hafa hætt saman nokkrum sinnum undanfarna mánuði og eru nú að gera sitt ýtrasta til að bjarga sambandinu. ?Sambandið gengur ekki vel en þau eru ekki hætt saman,? hafði vefsíðan eftir heimildarmanni.

Sögusagnir um yfirvofandi sambandsslit parsins hafa heyrst reglulega allt frá því að það tók saman og því ekki útséð um að hið unga fólk nái að standa umrædda erfiðleika af sér.