Dredd í þrívídd

Ný þrívíddarkvikmynd um Dredd dómara er væntanleg í kvikmyndahús í september á þessu ári. Myndin skartar nýsjálenska leikaranum Karl Urban í aðalhlutverki.

Söguþráður myndarinnar er á þá leið að Dredd og lærlingi hans, Anderson, er skipað að taka á glæpahring hinnar harðsvíruðu og valdamiklu Ma-Ma. Fyrst þarf Dredd þó að brjóta sér leið í gegnum vel varið háhýsi til að koma höndum yfir glæpakvendið.

Karl Urban hefur áður farið með hlutverk í The Lord of the Rings þríleiknum auk þess sem hann lék í The Bourne Supremacy og Pathfinder.

Frægasta verk leikstjórans Pete Travis er myndin Vantage Point með þeim Dennis Quaid og Matthew Fox í aðalhlutverkum.