Strákar kyssa fleiri froska

Meðalkona þarf að kyssa 22 menn áður en hún hittir á hinn eina sanna ef marka má rannsókn stefnumótasíðunnar meeteez.com.

Ekki dugir það þó til því að meðaltali þarf hún einnig að ganga í gegnum ástarsorg fimm sinnum, eiga einnar nætur gaman sex sinnum, þola að láta halda framhjá sér fjórum sinnum og eiga að minnsta kosti eitt ástarsamband sem hófst á internetinu.

Karlmenn þurfa hins vegar aðeins fleiri tilraunir til því þeir þurfa að kyssa 23 stelpur, eiga tíu skyndikynni og lenda í ástarsorg sex sinnum.