Gosling öfundsjúkur

Ryan Gosling er sagður öfundsjúkur vegna vináttu Evu Mendez við fyrrum kærasta hennar til átta ára, George Gargurevich.

„Ryan og Eva hafa mikið rifist vegna vináttu hennar og George. Þau eru að vinna saman að heimilislínu undir nafninu Vida og Ryan finnst þau eyða of miklum tíma saman og vill að þetta taki enda fljótt," hefur tímaritið Star eftir ónefndum heimildarmanni.

Mendez er þó á öndverðum meiði og finnst ekkert að því að henni og Gargurevich sé enn vel til vina eða reki saman fyrirtæki. „Henni er annt um vináttu þeirra og vill ekki að George hverfi burt úr lífi hennar bara vegna þess að Ryan er öfundsjúkur."