Finnst unnustan líkjast veiklulegum strák

Unnusti leikkonunnar Anne Hathaway, Adam Shulman, er sagður óánægður með þær öfgafullu breytingar sem Hathaway hefur þurft að ganga í gegnum fyrir hlutverk sitt í kvikmyndinni Les Misérables.

„Anne og Adam hafa rifist mikið undanfarið, eða allt frá því hún byrjaði á þessum öfgafullu megrunarkúrum. Hún hefur verið pirruð og þreytt síðan þá og það hefur ýmis vandamál með í för," var haft eftir vini parsins. Shulman er einnig sagður ósáttur við það að Hathaway hafi klippt sig stutt fyrir hlutverkið. „Hann elskaði hárið hennar og finnst hún líkjast veiklulegum strák án þess."

Shulman og Hathaway hafa verið saman frá árinu 2008 og er Shulman leikari að mennt.