Kvenréttindadagurinn er greyptur í sögu jafnréttis kynjanna og mannréttinda hér á landi. Sjaldan eða aldrei sem í dag getum við fagnað jafn stórum áföngum á jafn stuttum tíma. Í dag þökkum við líka fyrir baráttu undangenginna kynslóða og ríka getu íslenskra kvenna til samstöðu og samvinnu um að stefna enn hærra. Við fögnum því að hafa þrjú ár í röð skipað efsta sætið á lista Alþjóðaefnahagsráðsins yfir stöðu jafnréttismála á heimsvísu og ætlum að halda þessu forystusæti með því að sækja stöðugt fram.
Í fyrsta skipti í Íslandssögunni eru konur í meirihluta æðstu embætta stjórnsýslunnar. Af níu ráðherrum eru fimm konur, af tíu ráðuneytisstjórum eru fimm konur. Í fyrsta skipti hafa konur náð hinu 40% nú lögbundna lágmarki í nefndum og ráðum Stjórnarráðsins. Kynjakvótinn sem núverandi stjórnarmeirihluti innleiddi hefur þegar leitt til fjölgunar kvenna í stjórnum lífeyrissjóða og fyrirtækja en hann kemst að fullu til framkvæmda 2013. Hert barátta gegn kynbundnu ofbeldi dylst engum, svo sem lögleiðing austurrísku leiðarinnar, bann við kaupum á vændi, aðgerðaáætlun gegn mansali og ný aðgerðaáætlun gegn kynbundnu ofbeldi sem er í smíðum.
Vert er að minna á nýja greiningu Þjóðmálastofnunar á þróun launamunar kynjanna fyrir hrun annars vegar og í tíð þessarar ríkisstjórnar hins vegar. Greiningin byggir á gögnum Hagstofunnar og sýnir minnkandi mun, úr 30-35% í 13-20%, eftir því við hvaða launahugtak er miðað.
En þessi árangur nægir mér ekki, ekki núverandi ríkisstjórn og ekki konum þessa lands. Launajafnrétti kynjanna er það svið jafnréttisbaráttunnar þar sem stöðugt þarf að sækja fram, móta einarðan pólitískan vilja og finna ný og beittari verkfæri til að hrinda honum í framkvæmd. Í dag verður kynnt frumvarp að staðli um launajafnrétti kynja. Með honum hafa aðilar vinnumarkaðarins í samvinnu við stjórnvöld og Staðlaráð unnið algert frumkvöðla- og brautryðjendastarf. Ég bind miklar vonir við að atvinnulífið allt taki honum fagnandi og nýti þá möguleika sem hann skapar til að ná enn frekari árangri í baráttunni gegn launamisrétti kynjanna.
Til hamingju með daginn!

Nýir sigrar jafnréttisbaráttunnar
Skoðun

VR til forystu
Helga Guðrún Jónasdóttir skrifar

Kvíði sem heltekur börn
Anna Steinsen skrifar

Tökum pláss og verum breytingin
Bjarklind Björk Gunnarsdóttir skrifar

Hvar eru brýrnar á evruseðlunum?
Björn Berg Gunnarsson skrifar

Áslaug Arna skriplar á skötu - eins og Hanna Birna forðum
Einar A. Brynjólfsson skrifar

Þeir einir míga tvisvar í sama skóinn, sem þykir gott að vera blautir í fæturna
Kári Stefánsson skrifar

Manneskjur en ekki vinnuafl
Drífa Snædal skrifar

Um manninn og fleiri dýr
Heiða Björk Sturludóttir skrifar

Sóknarfæri Pírata
Magnús D. Norðdahl skrifar

Barnalega bjartsýn
Vala Rún Magnúsdóttir skrifar

Ungt fólk er ungu fólki best
Una Hildardóttir,Geir Finnsson skrifar

Einstakt mál eða einstök mál?
Olga Margrét Cilia skrifar

Ungfrú Ísland
Hanna Katrín Friðriksson,Þorbjörg S. Gunnlaugsdóttir skrifar

Leysum nýjan vanda með nýjum lausnum
Kolbeinn Óttarsson Proppé ,Jónína Riedel skrifar

Ný sóknarfæri opnast með störfum án staðsetningar
Jón Björn Hákonarson skrifar