Elíza með Stjörnuryk

Elíza Newman hefur gefið út lagið Stjörnuryk, sem er fyrsta lagið af þriðju sólóplötu hennar sem er í undirbúningi í London. Áætlað er að platan komi út í ágúst. Hún verður frábrugðin fyrri plötum Elízu því hún verður eingöngu á íslensku.

Stjörnuryk er upplífgandi popplag með jákvæðum boðskap sem ætti að höfða til flestra í sumarstuði. Það var samið af Elízu og var Gísli Kristjánsson upptökustjóri. Hann stjórnaði einnig upptökum á síðustu sólóplötu Elízu, Pie in the Sky. Lagið er fáanlegt á Tonlist.is og Gogoyoko.