Tónlistarkonan Janet Jackson er að framleiða heimildarmynd um transfólk og líf þess. Myndin ber heitið Truth þar sem transfólki úti um allan heim er fylgt eftir og staða þess í samfélaginu skoðuð. Jackson verður ekki bara framleiðandi því hún tekur líka viðtöl í myndinni. Sjálf segir Jackson að myndin eigi eftir að breyta viðhorfi fólks til kynjanna að eilífu. „Við viljum stöðva alla fordóma og minna fólk á að sýna öðrum skilning.“ Tökur á myndinni hefjast í sumar.
Heimildarmynd um transfólk
