Vill hanna skemmtigarð

Rapparinn Kanye West hyggst ekki takmarka sig við tónlist og hefur þannig sent frá sér tvær fatalínur sem sýndar voru á tískuvikunni í París, leikstýrt kvikmynd og vill nú hanna skemmtigarð.

West sagði í viðtali við GQ Magazine að hann sækist eftir því að breyta upplifunum fólks á skemmtigörðum til frambúðar. „Garðurinn yrði í anda þess ef Alexander McQueen eða [leikstjórinn] Tarsem Singh mundu taka saman við Cirque du Soleil eða Walt Disney. Það yrði mitt fyrsta verkefni,“ sagði rapparinn.