Home Alone stjarna neitar heroínneyslu

Fjölmiðlafulltrúi Home Alone barnastjörnunnar MaCaulay Culkin, 31 árs, sendi fréttatilkynningu eftir að frétt birtist í National Enquirer þess efnis að Culkin væri djúpt sokkinn í heroínneyslu.

Í fréttinni er því haldið fram að Culkin sé háður heroíni og að heimili hans á Manhattan hefur á örskömmum tíma breyst í samkomustað þar sem hann dvelur ásamt félögum sínum sem eru að sama skapi djúpt sokknir í neyslu eins og hann sjálfur.

Culkin, sem er sagður eyða yfir 720 þúsund krónum á mánuði í eiturlyf og verkjatöflur, byrjaði að neyta heroíns fyrir 18 mánuðum þegar hann og leikkonan Mila Kunis hættu saman en hún sést æ oftar með leikaranum Ashton Kutcher.

Fjölmiðlafulltrúi Culkin segir fréttina uppspuna frá upphafi til enda á sama tíma og þeir sem til leikarans þekkja segja hann vera á hraðri niðurleið sökum eiturlyfjaneyslu.