Nýtt par?

Leikaranir Ellen Page og Alexander Skarsgård hafa ítrekað sést saman undanfarna daga og velta því fjölmiðlar vestanhafs fyrir sér hvort þau séu nýjasta par Hollywood. Skarsgård og Page sáust saman á hokkíleik í síðustu viku þar sem ljósmyndarar eltu þau á röndum.

Skarsgård hefur verið í sambandi við leikkonurnar Kate Bosworth, Evan Rachel Woods og Charlize Theron.

Hugsanlega eru nýleg stefnumót Page og Skarsgård hluti af því að skapa umtal um myndina The East sem verður frumsýnd á næstunni en hún skartar leikurunum í aðalhlutverki.