Trúir ekki á hjónaband

Kardashian-fjölskyldan sat fyrir svörum hjá spjallþáttadrottningunni Opruh Winfrey fyrir skemmstu og meðal þess sem fjallað var um var skilnaður Kris Jenner og Roberts Kardashian heitins.

Systkinin sögðust hafa verið meðvituð um að skilnaðurinn hafi átt sér stað vegna hjúskaparbrots móður þeirra. „Mér finnst erfitt að takast á við þá vitneskju. Ég hef reynt að setja mig í hennar fótspor en ég get ekki ímyndað mér að ég gæti nokkru sinni gert börnum mínum slíkt. Vegna þessa trúi ég ekki á hjónaband,“ sagði Kourtney Kardashian um atvikið.