Settlegur í kynlífinu

Russel Brand segir smekk sinn á kynlífi hafa róast með árunum. Í útvarpsviðtali við Howard Stern á dögunum sagði hann áhuga sinn á klámi hafa minnkað til muna á undanförnum árum og að hann væri allur orðinn settlegri og alvarlegri í bólinu.

Brand gerði mikið grín að kynlífi sínu og fyrrum eiginkonu sinnar, Katy Perry, í viðtalinu en hafði þó orð á því hversu góð manneskja hún væri og að honum þætti mjög vænt um hana.

Hann staðfesti einnig þann orðróm að hann sé að slá sér upp með Isabellu Brewster. Isabella þessi er einmitt systir leikkonunnar Jordana Brewster sem fer meðal annars með hlutverk Elenu í nýjustu þáttaröðinni af Dallas.