Leo fann þá einu réttu

Leonardo DiCaprio hefur verið í sambandi með fyrirsætunni Erin Heatherton í átta mánuði og telja vinir leikarans að hann hafi loks fundið þá einu réttu.

„Leo hefur áttað sig á því að hann hefur fundið konu sem er ekki einungis falleg heldur einnig hæfileikaríkur íþróttamaður. Erin elskar hvers kyns íþróttir og ætlaði sér að verða atvinnukona í körfubolta áður en henni bauðst að gerast fyrirsæta," var haft eftir innanbúðarmanni. DiCaprio er mikill körfuboltaaðdáandi og er heimili hans í Los Angeles meðal annars búið stærðarinnar körfuboltavelli.

„Hann hefur fundið fallega, gáfaða stúlku sem deilir áhugamálum hans og gæti verið framtíðareiginkona hans," sagði vinur leikarans.