Alex Ferguson rólegur yfir tapinu

Sir Alex Ferguson, stjóri Manchester United, var ekki að stressa sig á 1-0 tapi liðsins gegn Galatasaray í Meistaradeild Evrópu í kvöld.

Þetta voru fyrstu töpuðu stig United í keppninni til þessa en liðið var þegar búið að tryggja sér efsta sæti riðilsins fyrir leikinn í kvöld.

Galatasaray vann 1-0 sigur en Ferguson lét sér fátt um finnast í viðtali eftir leik.

„Við héldum boltanum ágætlega og spiluðum fínan sóknarleik. Við fengum fín færi í báðum hálfleikjum,“ sagði Ferguson við enska fjölmiðla eftir leikinn í kvöld.

„Þeir náðu nokkrum skotum að marki fyrir utan vítateig en að öðru leyti gekk okkur vel í dag.“