Sigurður Ragnar valdi sömu stelpur og mættu Noregi

Sigurður Ragnar Eyjólfsson, landsliðsþjálfari, hefur valið hópinn sem mætir Úkraínu í tveimur umspilsleikjum síðar í þessum mánuði en í boði er sæti í úrslitakeppni EM. Leikið verður ytra 20. október og hér heima, á Laugardalsvelli, fimmtudaginn 25. október.

Sigurður Ragnar hefur valið 18 leikmenn í þessa leiki og er þetta sami hópur og fór út til Noregs í lokaleik riðlakeppninnar. Margrét Lára er að spila á fullu með Kristianstad og verður með í þessum leikjum en frestaði aðgerð sinni fram í nóvember.

Þetta er reynslumikill hópur og flestar stelpur sem eru búnar að spila lengi saman með kvennalandsliðinu. Katrín Ómarsdóttir er sú eina sem er tæp en hún tognaði á kálfa á dögunum. Katrín á þó að ná sér fyrir þessa leiki.

Tveir leikmenn liðsins, Sandra María Jessen og Glódís Perla Viggósdóttir, eru enn gjaldgengar í 19 ára landsliðið sem er að spila á sama tíma en Sigurður Ragnar vildi hafa þær með A-liðinu enda mikið undir í þessum leikjum.

Hópurinn fyrir leikina á móti Úkraínu

- Markmenn -

Þóra Björg Helgadóttir, Ldb Malmö

Guðbjörg Gunnarsdóttir, Djurgården

- Varnarmenn -

Katrín Jónsdóttir, Djurgården

Rakel Hönnudóttir, Breiðablik

Sif Atladóttir, Kristianstad

Hallbera Guðný Gísladóttir, Pitea+

Glódís Perla Viggósdóttir, Stjarnan

- Miðjumenn -

Edda Garðarsdóttir, KIF Örebro

Dóra María Lárusdóttir, Valur

Sara Björk Gunnarsdóttir, Ldb Malmö

Katrín Ómarsdóttir, Kristianstad

Dagný Brynjarsdóttir, Valur

Gunnhildur Yrsa Jónsdóttir, Stjarnan

- Sóknarmenn -

Margrét Lára Viðarsdóttir, Kristianstad

Hólmfríður Magnúsdóttir, Avaldsnes

Fanndís Friðriksdóttir, Breiðablik

Harpa Þorsteinsdóttir, Stjarna

Sandra María Jessen, Þór/KA