Glódís Perla í byrjunarliði í sínum fyrsta A-landsleik

Nú rétt í þessu er að hefjast æfingaleikur íslenska kvennalandsliðsins og Skota, en leikurinn fer fram í Glasgow.

Sigurður Ragnar Eyjólfsson, landsliðsþjálfari hefur tilkynnt byrjunarliðið og vekur athygli að hin sautján ára gamla, Glódís Perla Viggósdóttir, sem er að leika sinn fyrsta landsleik er í byrjunarliðinu í dag.

Glódís, sem er uppalin í HK en leikur nú með Stjörnunni hefur verið stórtæk í yngri landsliðum Íslands í gegnum tíðina en hún er til að mynda leikjahæsti leikmaður U17 ára landsliðsins frá upphafi.

Byrjunarlið Íslands í leiknum er þannig skipað:

Þóra Helgadóttir, Glódís Perla Viggósdóttir, Sif Atladóttir, Edda Garðarsdóttir, Hallbera Guðný Gísladóttir, Rakel Hönnudóttir, Dóra María Lárusdóttir, Katrín Ómarsdóttir, Hólmfríður Magnúsdóttir, Sara Björk Gunnarsdóttir og Fanndís Friðriksdóttir.