Demi Moore ósátt við Ashton Kutcher

Leikkonan Demi Moore er ósátt við eiginmann sinn, leikarann Ashton Kutcher. Kutcher sást á dögunum á stefnumóti með Milu kunis. Þau hafa lengi þekkst og kynntust við tökur á That's the 70's show þar sem þau léku kærustupar.

Sögur herma að Demi hafi orðið mjög reið þegar hún sá myndir af þeim og sagði að Mila mætti eiga hann.

Demi og Kutcher skildu að borði og sæng í fyrra eftir að hann hélt fram hjá henni með gengilbeinunni Söru Leal. Þau hafa ekki sótt löglega um skilnað og talið er að þau hafi verið að vinna að því að bæta hjónabandið.

Þetta hefur ekki verið gott ár hjá Demi en hún var flutt á spítala eftir að hún hneig niður á heimili sínu í Beverly Hills og fór í kjölfarið í meðferð vegna fíkniefnavanda og átröskunnar.