Of Monsters and Men mæta til Jay Leno

Íslenska hljómsveitin Of Monsters and Men mun verða í Tonight Show, spjallþætti Jays Leno, þann 29. júní næstkomandi. Á fésbókarvegg hljómsveitarinnar segjast hljómsveitarmeðlimir vera mjög spenntir fyrir þessu.

Hljómsveitin hefur notið gríðarlegra vinsælda upp á síðkastið en Fréttablaðið greindi frá því í byrjun apríl að platan My Head Is an Animal fór beint í sjötta sæti bandaríska Billboard-listans. Þetta er besti árangur sem íslensk hljómsveit hefur náð á listanum, sem hefur haldið utan um plötusölu í Bandaríkjunum frá árinu 1945.