Markið sem tryggði Valsmönnum öll þrjú stigin í Laugardalnum í kvöld

Óskar Ófeigur Jónsson skrifar 7. maí 2012 22:18

Ásgeir Þór Ingólfsson tryggði Valsmönnum 1-0 sigur á Fram í lokaleik 1. umferðar Pepsi-deildarm karla sem fram fór á Laugardalsvellinum í kvöld. Markið kom á 44. mínútu og skilaði Valsmönnum þremur stigum með sér heim á Hlíðarenda.

Ásgeir Þór Ingólfsson var þarna að spila sinn fyrsta leik með Val í Pepsi-deildinni og ennfremur að skora sitt fyrsta mark í úrvalsdeildinni en hann kom til Hlíðarendaliðsins frá Haukum fyrir tímabilið. Hann náði ekki að skora í 17 leikjum með Haukum í Pepsi-deildinni sumarið 2010.

Ásgeir Þór skoraði markið sitt eftir glæsilega sendingu frá Guðjóni Pétri Lýðssyni en þeir léku á sínum tíma saman í Haukaliðinu. Það er hægt að sjá markið með því að smella hér fyrir ofan.

Pepsi Max-deild karla

Tengdar fréttir

Ellismellurinn | Mark Bjarna Guðjónssonar gegn Keflavík árið 2007

Ellismellurinn er nýr liður í Pepsi-mörkunum. Í þætti gærkvöldsins var rifjað upp frægt mark Bjarna Guðjónssonar gegn Keflavík fyrir fimm árum síðan.

7. maí 2012 09:30

Pepsimörkin | Mörkin úr leikjum gærdagsins

Það voru skoruð nokkur glæsimörk í fyrstu leikjum Pepsi-deildarinnar í gær en þá fóru fram fimm fyrstu leikir deildarinnar í sumar.

7. maí 2012 11:00

Umfjöllun og viðtöl: Fram - Valur 0-1 | Varnarsigur Valsmanna

Ásgeir Þór Ingólfsson tryggði Val 1-0 sigur á Fram þegar að fyrstu umferð Pepsi-deildar karla lauk á Laugardalsvellinum í kvöld.

7. maí 2012 00:01

Verður sett met í kvöld? | Þétt setinn bekkurinn í gærkvöldi

Frábær aðsókn var á knattspyrnuvelli landsins í gærkvöldi þegar fyrsta umferð Pepsi-deildar karla fór fram. 1690 áhorfendur mættu á leikina fimm að meðaltali. Umferðinni lýkur í kvöld með Reykjavíkurslag Fram og Vals en allt stefnir í að aðsóknarmet fyrstu umferðar verði slegið.

7. maí 2012 06:30

Þorvaldur vísaði í Kaffibrúsakallana

Þorvaldur Örlygsson, þjálfari Fram, sló á létta strengi í samtali við blaðamenn eftir tapið gegn Val í Pepsi-deild karla í kvöld. Hann var þrátt fyrir tapið sáttur við frammistöðu sinna manna og sagði að það eina sem vantaði væru mörkin.

7. maí 2012 22:51