Knattspyrnudómarar styðja Mottumars

Í morgun afhentu knattspyrnudómarar Krabbameinsfélaginu 600 þúsund krónur í styrk vegna Mottumars. Hver og einn sem dæmdi í Lengjubikarnum í marsmánuði lagði fram því sem nemur launum fyrir að dæma einn leik.

Ragnheiður Haraldsdóttir, forstjóri Krabbameinsfélags Íslands, tók við framlaginu í höfuðstöðvum Knattspyrnusambands Íslands í morgun. Einn dómaranna, Sigurður Óli Þorleifsson, sagði við það tilefni: „Þegar kemur að stórum ákvörðunum hjá knattspyrnudómurum inni á vellinum þá er betra að hafa punginn í lagi og því fögnum við því að geta lagt ykkur lið með þessari upphæð."