Ríkisstjórnin fallin samkvæmt Þjóðarpúlsi Gallup

Sjálfstæðisflokkurinn nýtur mests fylgis miðað við Þjóðarpúls Gallups. Flokkurinn mælist með 33,3% fylgi á meðan Samfylkingin mælist með 18,7%. Þá eru Vinstri grænir með 12% fylgi.

Þetta þýðir að fylgi Sjálfstæðisflokksins er meira en fylgi Samfylkingarinnar og Vinstri grænna samanlagt.

Könnunin var framkvæmd í síðasta mánuði og svöruðu 2400 manns. Alls náði könnunin til 5.378 manns. Spurt var hvaða flokkur yrði fyrir valinu í Alþingiskosningum.

Ellefu prósent segjast ætla að kjósa Samstöðu, nýstofnaðann flokk Lilju Mósesdóttur. Í könnun fréttastofu Stöðvar 2 frá því í febrúar mældist Samstaða með ríflega fimmtungs fylgi.

Miðað við Þjóðarpúlsinn tapa allir flokkar á Alþingi fylgi. Björt framtíð, flokkur Guðmundar Steingrímssonar og Heiðu Kristínar Helgadóttur, mælist með 4% í könnuninni.