Ástin blómstrar hjá Hrafnhildi og Bubba

„Blóma- og ávaxtabrúðkaup í dag. Búin að vera gift ástinni minni í fjögur ár," sagði Hrafnhildur Hafsteinsdóttir, verkefnastjóri MBA Í Háskólanum í Reykjavík, á samskiptavefnum Facebook í gær.

Það virðist ríkja mikil hamingja við Meðalfellsvatnið um þessar mundir þar sem þau hjónin búa enda margar ástæður til, en eins og þjóðin veit eignuðust þau Bubbi og Hrafnhildur dóttur á dögunum. Fjölskyldan hefur því í nógu að snúast en Bubbi er einnig að fara af stað með nýja sjónvarpsþætti sem fara í loftið í haust á Stöð 2.