Stefnir í metsölu á leikhúskortum

Sala á leikhúskortum Þjóðleikhússins gengur óhemju vel. Nú í ár hafa fleiri kort selst en á sama tíma í fyrra, og þó var metár í kortasölunni á síðasta ári. Því stefnir allt í að nýtt met verði slegið.

Sigurlaug Þorsteinsdóttir, markaðs- og kynningarstjóri Þjóðleikhússins segir starfsfólk hússins ekki hafa undan því símtalaflóði sem berst til miðasölunnar. „Við náum ekki að svara. Erum stanslaust í símanum og missum af sumum," segir hún og bætir við afsökunarbeiðni til þeirra sem hafa gefist upp á að hringja.

Kaupandi leikhússkorts hjá Þjóðleikhúsinu velur sér fjórar sýningar sem hann vill sjá yfir leikárið. Fyrir það borgar hann 11.900 kr. Einnig býður leikhúsið uppá ungmennakort sem kosta 9.900 kr.