Vel gekk að ná tékknesku rútunni upp úr Blautulónum í dag og komst hún loks á þurrt land um hálf þrjúleytið að sögn varðstjóra lögreglunnar á Hvolsvelli, sem fylgdist með aðgerðunum.

Skurðgrafa var notuð við vinnuna í dag til viðbótar við loftpúða sem festir höfðu verið við rútuna í gærkvöld.

Stuðari rútunnar brotnaði við átakið þegar um það bil helmingur hennar var kominn upp úr vatninu og olli það einhverjum töfum, en annars gekk vinnan vel að sögn varðstjórans.