Íslendingaliðið Kristianstad fer vel af stað í sænska boltanum en liðið vann sinn leik í fyrstu umferð deildarkeppninnar í dag.
Kristianstad mætti þá Sunnanå og vann, 3-2.
Margrét Lára Viðarsdóttir skoraði þriðja mark Kristianstad í leiknum og það eftir sendingu frá Guðnýju Björku Óðinsdóttur.
Mark Margrétar kom Kristianstad í 3-1.
Margrét, Guðný og Erla Steina Arnardóttir voru allar í byrjunarliði liðsins að þessu sinni en því stýrir Elísabet Gunnarsdóttir.
