Ótímabær þungun

Sögur ganga nú um að sextán ára gömul dóttir fyrrverandi forsetaframbjóðandans Söruh Palin sé ólétt. Bristol Palin, eldri dóttir Söruh, varð sem frægt er orðið ólétt á táningsaldri og nú gæti verið að yngri dóttirin, Willow, eigi einnig von á barni.

Að sögn bandarískra fjölmiðla varð frú Palin mjög reið við fréttirnar. „Sarah fékk áfall og trúði ekki að hún væri að ganga í gegnum þetta aftur með yngri dóttur sína. Mæðgurnar fóru saman til að kaupa þungunarpróf og Sarah var á nálum allan tímann inni í versluninni," var haft eftir heimildarmanni.

Orðrómurinn hefur þó ekki verið staðfestur af Palin-fjölskyldunni.