Sneijder hefur mikla trú á Inter

Wesley Sneijder, leikmaður Inter, er tilbúinn að taka fyrsta skrefið í áttina að drauma þrennunni en Inter mætir Barcelona í Meistaradeildinni í næstu viku.

Sneijder segir að ekki sé hægt að horfa framhjá því að liðið eigi möguleika á að vinna Ítölsku deildina, Coppa Italia bikarinn og Meistaradeildina.

„Ég er viss um að við getum unnið alla þrjá titlana," sagði Sneijder í viðtali við Inter Channel.

„Þetta mun vera í fyrsta skipti sem að ég spila í undanúrslitum Meistaradeildarinnar og ég veit nú þegar að þetta verður frábært," sagði Sneijder sem að hefur mikla trú á sínu liði.