Louis van Gaal: Smáatriðin skipta máli

Louis van Gaal, þjálfari FC Bayern, var að vonum ósáttur eftir 2-0 tap liðsins gegn Inter í kvöld. Hann segir liðið ekki hafa fundið sig í leiknum.

„Þetta var ekki nógu gott og við náðum ekki að spila okkar leik. Tímasetningarnar á mörkunum þeirra voru mikilvægar og leikmenn læra það eftir leikinn í kvöld að smáatriðin skipta máli," sagði Louis van Gaal, þjálfari FC Bayern eftir ósigur gegn Inter í úrslitaleik Meistaradeild Evrópu.

„Mér líður enn eins og við hefðum átt að vinna þá, þeir voru ekkert mikið betri. Við sóttum og þeir vörðust en lið verða að vera í toppstandi til að sigra þetta Inter-lið og það vorum við ekki í kvöld því miður," sagði Van Gaal í leikslok.