Ungir karlmenn andvígir lögum um bann við nektardansi

Ungir karlmenn undir þrítugt eru andvígir lögum um bann við nektardansi samkvæmt könnun MMR sem var framkvæmd á dögunum. Alls voru 70 prósent svarenda í þeim hópi andvígir lögunum.

Af þeim sem tóku afstöðu sögðust 54,1% vera fylgjandi lögunum og 45,9% sögðust andvíg lögunum. Töluverður munur var á afstöðu svarenda eftir kyni og aldri. Þannig voru 76% kvenna sem sögðust fylgjandi lögunum en eingöngu 33% karla.

Þá voru 44% svarenda undir þrítugu fylgjandi lögunum borið saman við 53% hjá aldurshópnum 30-49 ára og 64% meðal 50 ára og eldri.

Lögin taka gildi 1. júlí.