Fabregas keypti stefnumót við Orlando Bloom

Cesc Fabregas, fyrirliði Arsenal, gerði sér lítið fyrir og borgaði 12 þúsund pund fyrir stefnumót við leikarann Orlando Bloom. Þetta gerði Fabregas á uppboði sem Arsenal hélt til styrktar góðs málefnis.

Hann ætlar reyndar ekki sjálfur á stefnumótið heldur fær systir hans að fara út með leikaranum sykursæta.

Það var ýmislegt boðið upp á þessu uppboði og Daninn Nicklas Bendtner greiddi 7.000 pund fyrir Arsenal-treyju með áritun rapparans Jay-Z.

Kvöldverður með sjálfum Arsene Wenger fór á 20 þúsund pund en ekki er vitað hver keypti þann kvöldverð.