Vinkonur tóku öll verðlaunin

Vinkonurnar Anna Ingólfs­dóttir og Elísabet Brynhildardóttir áttu saman þær tillögur sem lentu í þremur efstu sætum í forsíðusamkeppni Símaskrárinnar. Þema keppninnar var „Ísland í jákvæðu ljósi.“

Um 1.530 tillögur í keppnina en skilafrestur rann út 1. desember í fyrra. Fimm manna dómnefnd valdi þær þrjár tillögur sem henni þóttu bestar auk þess sem almenningi gafst kostur á að veita álit sitt á þeim í netkosningu. Dómnefndin hafði enga vitneskju um nöfn höfunda fyrr en að vali loknu.

Vinkonurnar skipta með sér verðlaunafénu öllu, samtals einni milljón króna sem afhent var í gær, auk heiðursins sem í því felst að fá verkið prentað framan á 150 þúsund símaskrár. - jab