Douglas með æxli í hálsi

Hollywood leikarinn Michael Douglas hefur hafið átta vikna lyfjameðferð vegna æxlis sem uppgötvaðist í hálsi. Samkvæmt talsmanni hans gera læknar ráð fyrir því að hann muni ná fullum bata en Douglas sjálfur segist vera bjartsýnn á að æxlið fari.

Leikarinn er giftur leikkonunni Catherine Zeta Jones og eiga þau tvö börn saman. Cameron Douglas sonur hans komst í kast við lögin í júní síðastliðnum og var dæmdur í fimm ára fangelsi fyrir vörslu og notkun amfetamíns og heróíns.