Bauð Ingibjörgu fjármálaráðuneytið fyrir jólin

Geir Haarde forsætisráðherra sagði í Íslandi í dag fyrir stundu að krafan um að Samfylkingin tæki að sér forsætisráðuneytið væri hefði fyrst dúkkað upp í gær. Þetta hefði verið alveg ný krafa sem hefði aldrei áður borið á góma í samtölum sínum við forystu Samfylkingarinnar. Samfylkingin hlyti að hafa vitað að sjálfstæðismenn gætu ekki gengið að slíkri kröfu. Svo hefði fylgt þeirra kröfu sú fullyrðing að forsætisráðherra hefði ekki haft nógu góða verkstjórn.

Þá sagði Geir að fyrir jólin hefði legið fyrir tillögur um breytingar í ríkisstjórninni sem hefðu meðal annars falið í sér að Ingibjörg Sólrún Gísladóttir hefði tekið að sér fjármálaráðuneytið í stað utanríkisráðuneytisins. Samfylkingin hefði ekki treyst sér til að fallast á slíkar breytingar á þeim tíma.