Fjórar vikur í Fabregas

Cesc Fabregas segir að fjórar vikur séu þar til að hann geti spilað með Arsenal af fullum krafti á ný.

Fabregas meiddist á hné í desember síðastliðnum og hefur síðan unnið hörðum höndum að því að ná sér komum. Hann segir að leikur Arsenal gegn Manchester City á heimavelli þann 4. apríl sé raunhæft markmið fyrir sig.

„Ég sparkaði í fótbolta í fyrsta sinn síðan fyrir jól í dag og líður mér loksins eins og atvinnumanni í knattspyrnu á nýjan leik."

„Ef allt gengur eftir áætlun mun ég spila með Arsenal eftir fjórar vikur og gefur það mér nægan tíma til að bjarga tímabilinu fyrir bæði mig og félagið."