Síðasti sjéns að kjósa uppáhaldið

Íslensku tónlistarverðlaunin verða afhent í 15. skipti við hátíðlega athöfn í sjónvarpssal Ríkissjónvarpsins á morgun, miðvikudag.

Í upphafi janúar hófst kosningin um vinsælasta flytjandann og var opin öllum lesendum Vísis.

Þá var fækkað niður í tíu efstu flytjendurna í kjörinu en sú kosning er enn í gangi hér á Vísi og verður út daginn í dag. 

Á morgun færist þetta síðan yfir í símakosningu og verður þá kosið á milli fimm efstu í kjörinu. Í fyrramálið verður tilkynnt hvaða flytjendur enda í fimm efstu sætunum.

Vinsælasti flytjandinn verður verðlaunaður annaðkvöld og fær nafnbótina „Vinsælasti flytjandinn að mati almennings". 

Kjóstu uppáhaldið þitt hér.