Kínverskir tölvuhakkarar andsnúnir heimildarmynd

Kínverskir tölvuhakkarar rústuðu í dag miðasölukerfi á stærstu kvikmyndahátíð sem haldin er í Ástralíu. Ástæðan er sú að á hátíðinni verður sýnd heimildarmynd um útlægan leiðtoga Ígúra í Kína.

Heimildarmyndin fjallar um Rebiyu Kadeer sem býr í útlegð í Bandaríkjunum. Hún er einn virkasti talsmaður Ígúra í Kína.

Ígúrar eru múslimar sem eiga rætur að rekja til Tyrklands. Um tíu milljónir þeirra búa í Kína einkum í Xinjiang héraði í norðausturhluta Kína.

Ígúrar vilja fá meiri sjálfstjórn í héraðinu en kínversk stjórnvöld afgreiða þá sem aðskilnaðarsinna og hryðjuverkamenn.

Þeir saka hina ellefu barna móðir Rebiyu Kadeer um að hafa stofnað til óeirðanna í byrjun síðasta mánaðar sem kostuðu hátt á annað hundrað manns lífið samkvæmt opinberum tölum.

Ígúrar segja að mörghundruð hafi látið lífið og tíuþúsund mótmælendur horfið sporlaust.

Kínversk stjórnvöld hafa hamast mjög á Áströlum til þess að fá þá til þess að hætta við að sýna myndina um Kadeer.

Síðan hafa verið gerðar tvær tölvuárásir á miðasölukerfi kvikmyndahátíðarinnar. Það síðara var gert í dag og lagði bókurnarkerfi hátíðarinnar í rúst.

Talskona hátíðarinnar sagði að þetta væri meiriháttar vandamál, en dagskránni yrði í engu breytt.