Enski boltinn

Aganefndin hélt lífi í leikjametinu hjá Friedel

Óskar Ófeigur Jónsson skrifar
Brad Friedel horfir hér upp og sér að Martin Atkinson er búinn að gefa honum rauða spjaldið.
Brad Friedel horfir hér upp og sér að Martin Atkinson er búinn að gefa honum rauða spjaldið. Mynd/AFP

Aganefnd enska knattspyrnusambandsins hélt lífi í leikjameti bandaríska markvarðarins Brad Friedel hjá Aston Villa en hann hefur ekki misst úr leik í ensku úrvalsdeildinni í fjögur og hálft ár.

Aganefndin dróg til baka rauða spjaldið sem Freidel fékk á móti Liverpool um síðustu helgi og því getur Friedel spilað sinn 183. leik í röð á móti Mnachetser United um þar næstu helgi.

Brad Friedel sló metið fyrr í vetur þegar hann lék sinn 167. leik í röð en með því gerði hann betur en David James afrekaði á sínum tíma. Friedel hefur ekki misst úr leik síðan í ágúst 2004 þegar hann lék með Blackburn.

Friedel fékk að líta rauða spjaldið á móti Liverpool þegar hann braut á Fernando Torres í vítateignum. Sjálfur sagði hann eftir leik að vítaspyrna og gult spjald hefðu átt rétt á sér en að brottvísun væri of gróf. Aston Villa áfrýjaði og Friedel slapp við leikbann.








Fleiri fréttir

Sjá meira


×