Lögfræðingar á fundi fjárlaganefndar

Hópur lögfræðinga sem fenginn var til þess að útbúa breytingar á frumvarpi um ríkisábyrgð vegna Icesave settist á fund með fjárlaganefnd rétt upp úr klukkan þrjú í dag.

Búist er við því að fjárlaganefnd færi þingflokkum á Alþingi sín drög sem aftur verði rædd á þingflokksfundum í dag. Fjárlaganefnd kemur aftur saman um klukkan átta í kvöld og vænta menn þess að þá verði gengið frá málinu.

Eiríkur Tómasson, lagaprófessor, veitti lögfræðinefndinni forystu. Aðrir í nefndinni voru Helgi Áss Grétarsson, Páll Þórhallsson, Benedikt Bogason og Einar Gunnarsson.