Ferguson: Ég er ekki fullkominn

Sir Alex Ferguson, stjóri Manchester United, vill ekki gera of mikið úr þeirri staðreynd að hann hefur aðeins unnið einn sigur í þrettán leikjum gegn Jose Mourinho á ferlinum.

"Það er skrítið að hafa bara einn sigur á móti Mourinho. Það sýnir að ég er ekki fullkominn frekar en nokkur annar í knattspyrnunni. Árangur minn gegn Mourinho angrar mig ekki. Svona getur gerst. Ég horfi frekar á félagið og er stoltur af því sem það hefur afrekað á þeim tíma sem ég hef verið hérna. Það skiptir mig meira máli," sagði Ferguson.