Rauða spjaldið tekið til baka hjá Friedel

Brad Friedel mun ekki þurfa að taka út leikbann vegna rauða spjaldsins sem hann fékk í leik Aston Villa gegn Liverpool nú um helgina.

Friedel fékk að líta rauða spjaldið í síðari hálfleiknum er hann braut á Fernando Torres í vítateignum. Sjálfur sagði hann eftir leik að vítaspyrna og gult spjald hefðu átt rétt á sér en að brottvísun væri of gróf.

Aston Villa áfrýjaði spjaldinu og nú hefur aganefnd enska knattspyrnusambandið staðfest að spjaldið hefur verið dregið til baka.

Friedel verður því á milli stanganna í liði Aston Villa er það mætir Manchester United sunnudaginn 5. apríl.