Töfin hefur ekkert að gera með Benitez

Daniel Agger, leikmaður Liverpool, hefur ekki enn skrifað undir nýjan samning við Liverpool þrátt fyrri langar samningaviðræður.

Fyrir skömmu skrifaði Rafael Benitez, stjóri Liverpool, undir langtímasamning við félagið og sagði hann við það tilefni að hann vildi ganga frá samningum við Agger og Dirk Kuyt sem allra fyrst.

„Ég óska honum til hamingju með samninginn," sagði Agger í samtali við danska fjölmiðla. „En ég sem ekki við Benitez heldur félagið. Það er eitthvað sem ég verð að hafa í huga."

Hann neitaði að gefa upp hvort það væri jákvætt fyrir sig að Benitez mun halda áfram í sínu starfi.

„Ég vil ekki blanda mér í þessa umræðu. En það var hann sem fékk mig til félagsins," sagði Agger.