Sviptur ævilangt

Rúmlega fertugur karlmaður var dæmdur fyrir að aka undir áhrifum áfengis og fíkniefna í Héraðsdómi Vesturlands í dag. Maðurinn var stöðvaður í apríl síðastliðnum á Akrafjallsvegi. Hann var að auki með lítilræði af amfetamíni í sínum fórum.

Maðurinn játaði brot sitt greiðlega. Hann hefur margsinnis komist í kast við lögin. Meðal annars hefur hann sex sinnum verið dæmdur fyrir umferðalagabrot.

Maðurinn var sviptur ökuréttindum ævilangt. Að öðru leitinu til var honum ekki gerð nein sérstök refsing.