Laxeldisstöð sögð hættuleg

Eiganda aflóga laxeldisstöðvar að Læk er hótað tíu þúsund króna dagsektum lagfæri hann ekki hættu sem skipulags- og byggingarnefnd Ölfus telur stafa af stöðinni.

„Ástandið á Læk er óbreytt frá því í október, girðingin liggur niðri á kafla við hliðina á aðalhliðinu og að minnsta kosti eitt laxeldisker er fullt af vatni. Einnig er búið, með bréfi, að senda eiganda upplýsingar um að samþykkt verði á næsta fundi skipulags- og byggingarnefndar að leggja á dagsektir þar sem ástand eignarinnar er ennþá hættulegt," segir í fundargerð nefndarinnar.- gar