Þjónustutrygging verður 20 þúsund krónur

Reykjavíkurborg mun greiða 25 þúsund krónur í þjónustutryggingu á hvert barn frá 1. janúar til 1. ágúst næstkomandi en greiðslan verður 20 þúsund krónur eftir það. Þetta var ákveðið í leikskólaráði þann 16. desember síðastliðinn.

Þjónustutryggingu er ætlað að brúa bilið frá því að fæðingarorlofi lýkur og þar til barnið kemst í leikskóla. Samkvæmt reglum um þjónustutryggingu er hún greidd þar til leikskólapláss býðst eða önnur þjónusta, svo sem hjá dagforeldri eða sjálfstætt starfandi leikskóla.

Þjónustutrygging kom til framkvæmda 1. september 2008.