Nýr þjóðleikhússtjóri óskast

Þjóðleikhússtjóri er forstöðumaður Þjóðleikhússins og tekur þar með þátt í rekstri þess og listrænni stefnumörkun.

Frá árinu 2005 hefur Tinna Gunnlaugsdóttir gegnt embættinu.

Menntamálaráðherra skipar þjóðleikhússtjóra í embætti til fimm ára í senn, frá og með 1. janúar 2010. Í embætti þjóðleikhússtjóra skal skipaður einstaklingur með menntun á sviði lista og staðgóða þekkingu á starfi leikhúsa.

Umsóknir skulu berast menntamálaráðuneytinu fyrir klukkan 16, föstudaginn 26. júní auk hugmynda umsækjenda um framtíðarsýn þeirra á starfsemi Þjóðleikhússins.