Segir mikið starf framundan eftir árásir Ísraela

Íslenskur sendifulltrúi Alþjóða Rauða krossins á Gaza segir að seint líði úr minni sér skelfingin í augu palestínskra barnanna sem hún og aðrir starfsmenn Rauða krossins skutu skjólshúsi yfir í loftárásum Ísraela á svæðið um miðjan mánuðinn. Hún segir mikið endurreisnarstarf framundan og opna þurfi landamærastöðvar til að hægt verði að vinna það.

Pálína Ásgeirsdóttir er sendifulltrúi Alþjóða Rauða krossins í Palestínu. Hún er í Gaza en þangað kom hún um miðjan mánuðin þegar árásir Ísraela stóðu sem hæst fyrir vopnahlé. Hún hefur yfirumsjón með samskiptum við heilbrigðisyfirvöld Palestínumanna á Gaza og Vesturbakkanum. Þegar hún var á Gaza reyndi hún að tryggja eftir fremsta megni með samstarfsfólki sínu að særðir kæmust á sjúkrahús og einnig að sjúkrahús væru eins vel búin lyfjum og tækjum og hægt væri.

Pálína segir að nú verði að meta eyðilegginguna og hvað þurfi að gera. Hún telur að endurreisnin taki nokkurn tíma. Mestu skipti að halda landamærastöðvum opnum.